अ‍ॅडम`चा नायक वरदचा जीवनप्रवास थोड्याफार फरकाने बऱ्याच पुरुषांचा असतो, तसाच आहे. लहानपणी स्त्री देहाविषयींचे कुतूहल, ते नीटसे न भागणे. पुढे असमाधानी स्त्रियांकडून वापरले जाणे, नंतर खरेखुरे प्रेमात पडणे. त्याच्याविषयी प्रेम नसतानाही `श्यामले`ने सोयीसाठी त्याच्याशी लग्न करणे. आणि कालांतराने आपल्या पहिल्या प्रियकराशी संबंध ठेवून वरदाचे जिने उद्ध्वस्त करणे, जिला तिच्या मुलांसह विनाअट आधार दिला त्या `प्रेमा`ने पुढे घरामध्ये वाटा मागणे आणि ज्या `निर्मले`कडून किंचित्काल प्रेम मिळाले तिलाही अखेर दुरावणे, असा वरदाच्या प्रेमाचा आलेख आहे.